12 eylule 2022î de qetilkerdişê Jîna Amînî ra dima bi rayberîya cinîyan, Tehran ra heta Rojhelatê Kurdîstanî şar vejîya waran û xoverdayîşêk viraşt. No xoverdayîş seranserê dinya ra vila bî û 5 aşmî yo dewam keno.

Vizêrî bajaranê sey Zahîdan û Xaş yê parêzgehê Sistan û Belucîstanî de, rayraşîyayîşî girdî virazîyayî û seba azadîya tepîşteyanê Sîstanî sloganî ameyî vatene.

Verê ke rayraşîyayîşî dest pêbikerê, Melayê Camîyê Mekî yê Zahîdanê Mela Ebdulhemdî Îsmaîl Zihî, xutbe de reyan waşt ke referandumê azadîye bêro kerdene ke şar bi xo qerarê sîstemê sîyasî yê Îranî bido.

Xeylê bajar, qeza û dewan ra rayraşîyayîş  û xoverdayîşê ‘Jin, jiyan, azad,’ dewam kenê û şarê kurd û Îranijî aşma pancine de hemverê dîktatorîye de xover danê û wazenê tepîşteyê înan azad bibê.

Teberê Îranî ra zî seba xoverdayîşê ‘Jin, jiyan, azadî’ paştîdayîşî dewam kenê. Vizêrî akerdişê Festîvalê Fîlman ê Berlîn de, tay cinîyanê aktoran sloganê ‘Jin, jiyan, azadî’ vatî.