Emîne Şenyaşara ke di laj û mêrdeyê ci hetê merdimanê Wekîlê AKPyî Îbrahîm Halîl Yildizî ra kişîyayî, 218 rojî yo lajê xo Ferît Şenyaşarî reyde verê Edlîyeya Riha de 'Nobeta Edaletî' gêna.

Keyeyî ewro zî serê sibayî dest pê nobete kerd.

Keyeyê Şenyaşarî hesabê xo yê medyaya dîjîtale de Serdozgerîya Komare ya Riha, Serekê Baroyê Îstanbulî Mehmet Durakoglu û hesabê Heyetê Pêroyî yê Meclîsî etîket kerdî û vat: ''Rixmê na bêedaletîya verê edlîye zî her helmê ma de hêvî esta. Selahîyetdarê Qesra Edaletî ya Riha nêeşnawenê zî tay kesî eşnawenê. Raştîye helbet rojêke do vejîya werte.''