Emîne Şenyaşara ke mêrde û lajê ci hetê merdimanê Wekîlê AKPyî Halîl Îbrahîm Yildizî ra kişîyayî 61 rojî yo lajê xo Ferît Şenyaşarî reyde nobeta edaletî tepişena. Şenyaşarî rîyê qedexeyê tebervejîyayîşî ra 30ê nîsane ra nata keyeyê xo de nobete domnenê.

Keyeyê Şenyaşarî roja 63. Çalakîya xo de hesabê xo yê medyaya sanalî ra Raporê Vaka yo ke roja hêrişê hetê Mudirîya Pêroyî ya Xizmetanê Weşîye yê Lezabezî ra ame tepiştene û fotografê ambulanso ke raştê hêrişî ame pare kerde û bi etîketê Wezîrîya Edaletî no mesaj pare kerd: ''Ti ça de ya Wezîrîya Edaletî bimojnê ma ke Tirkîya de edalet esto. Dozgerî wa goreyê talîmanê sîyasîyan nê goreyê qanûna têbigêrê. Nêweşxaneyê dewlete de sûcê merdimîye ame kerdene. Hînî qetilkaran muhakeme bikerê.''