Cinîyê tepişteyê ke Zîdanê Tarsusî de grevê vêşanîye de yê mesajê ''Amanc azadîya Rayberîya ma ya'' şawit. Wan de çalakwanê neweyî tewrê grevî bîyî û Eskîşehîr de heqê xoverdayoxanê grevê vêşanîye yenê binpaykerdene.
Çalakîya grevê vêşanîye yê bêdem-biagêrayîşî yê tepişteyanê sîyasîyan a ke 27ê teşrîna peyêne de vera tecrîdkerdişê Rayberê Şarê Kurdî Abdullah Ocalanî û bipaykerdişê heqan ê tepişteyan dest pêkerdbi kewte roja 8ine.
Cinîyê tepişteyê ke Zîdanê Tarsusî de grevê vêşanîye de yê bi rayîrê keyayanê xo mesajêk şawit. Hemşaredara Stewrî Gulîstane Oncu, Elîfe Akçaren û Zelale Karayî yê ke grûba diyîne ya grevê vêşanîye yê Zîndanê Tarsusî de ca genê, semedê wayîrvejîyayîşê grevî veng da û vat: ''Amanc azadîya Rayberîya ma ya.''
Reyna Zîndanê Tîpê Fyî yê Wanî ra 3 kesî û yê Zîndanê Tipê Tyî yê Wanî ra cinîyêke tewrê grevî bîyî.
Hetê bînî ra Zîndanê Tîpê Hyî yê Eskîşehîr de tepişteyê ke greve vêşanîye de heqê înan yenê binpaykerdene û çîyo ke hewcedarîya înan xoverdayoxan pê esto nîno dayene.
