Tepişteyanê PKK û PAJKî 27ê teşrîna peyêne de vera tecrîdkerdişê Rayberê Şarê Kurdî Abdullah Ocalanî dest pê grevê vêşanîye yê bêdem-biagêrayîşî kerd. Çalakîya tepişteyan kewte roja 8ine.  Cinîyê ke grevî rê serkêşîye kenê bi rayîrê telefonî mesaj şawit.

Bi nameyê Sevda Yeşîlkaya, Hazîne Alçi, Dîlane Turan û Eyleme Ozer êyê ke zîndanê Bakirkoy û Riha de yê mesajêk ame dayene. Mesaj de ronayîşê PKKyî ame bimbarekkerdene û veng dîya kurdan û dostanê ci ke semedê wedaritişê tecrîdê Îmraliyî wa mecadeleyî pîlêr bikerê.

Tepişteyan da zanayene ke înan bi ruhê fermandaranê Sûrî ra Çîyagerî mucadeleyêk dayo destpêkerdene û  waşt ke tecrîdê serê Ocalanî ke bi serran o dewam keno wa cade bêro wedaritene.

Tepişteyan grevê vêşanîye ke 2018î de bi eynî waştişî ame kerdene û ser kewt vist vîrî û vat ê semedê rayberê xo mucadeleyî rê tim amade yê û moralê înan zî zaf hol o.

Tepişteyanê cinîyan ard ziwan ke tepişteyê ke grevî rê xo amade kenê ke ê zî bicoş dora xo pawenê û wina veng da şarê kurdî û dostanê ci:

Ganî her kes vera tecrîdê Îmraliyî wirzo payan ser. Rayber Apo têna rayberê şarê kurdî nê rayberê şaranê dinya yo. Ma bitaybet veng danê ciwan û cinîyan ke wa mucadeleyî pîlêr bikerê.