Tepişteyanê PKK û PAJKî 27ê teşrîna peyêne de vera tecrîdkerdişê Rayberê Şarê Kurdî Abdullah Ocalanî dest pê grevê vêşanîye kerd.

Tepişteyanê Zîndanê Gebze bi, rayîrê telefonî keyeyanê xo rê behsê mesele kerd. Tepişteyan îfade kerd ke rîyê vîrusê Korona ra ê nêeşkenê cayanê hemparan bişuxilnê û têkilîya koxûşan yena astengkerdene.

Tepişteyan eşkera kerd ke bi bira Mehkemeya Cezaya Sulhe 27ê teşrîna peyêne de 40 gardîyanan eşt koxûşan ser.Gardîyananê ke tede nêweşê Korona estbî dest na firaqan, kitab, albuman ser û vat ke ê sey tedbîrê Korona cigêrayîşan kenê.

Gardîyanan eşt koxûşê nêweşa kanserî Mizgîne Aydin ser ke Aydine grevê vêşanîye de ya.

Tepişteyan ard ziwan ke 'cigêrayîşî' ra dima 2 tepişteyî pê Korona kewtî. Tepişteyan da zanayene ke rixmê nê kerdişan zî ê do ser bikewê û tecrîd bişiknê.