Hemsereka Federasyonê Komeleyanê Huqûq û Paştdayîşî yê Keyeyanê Tepişte û Hukmwerdeyan (MED TUHAD-FED) Elîfe Haran derheqê binpaykerdişê heqanê tepişteyan û şertanê tecrîdî y3e tepişteyanê nêweşan de qisey kerd.

Harane ard ziwan ke rewşa tepişteyan ê nêweşan pêro merdiman qerqilnena û îfade kerd ke zîndanê qerebalixî seba tepişteyanê kronîk, kokiman bitehluke yê ke nê cayan de vîrusê Korona bi lezî vila beno. 

Harane da zanayene ke tedbîrê zîndanî sist ê û vat: ''Derheqê na mesele de zaf raporî ameyî amadekerdene. La dewlete goş nêdana nînan. Zîndanî hînî benê sebebê mergan. Kapasîteya zîndenan ra zêdêr tepişteyî estê. Tepişteyê nêweşî nênê weşkerdene.''

Harane pare kerd ke tepişteyê sîyasîyî seba ke şertanê tecrîdê vera Rayberê Şarê Kurdî Abdullah Ocalanî protesto bikerê dest pê grevê vêşanîye kerd. Harane venga hukmatî da ke mesuldarîyanê xo bîyaro ca û vat: ''Ganî cade zîndanî bêrê vengkerdene. Ganî waştişê tepişteyan ser o goş bêro dayene û waştişê înan bêrê caardene.''