Xoverdayîşê zîndanan ame selamkerdene
Xeylêk bajaranê Kurdîstan û Tirkîya de çalakîyê wayîrvejîyayîşê xoverdayîşê zîndanan ameyî kerdene. Çalakîyan de tecrîdê Îmrali ame şermezarkerdene û semedê paştdayîşê tepişteyan ame vengdayene.
Xeylêk bajaranê Kurdîstan û Tirkîya de çalakîyê wayîrvejîyayîşê xoverdayîşê zîndanan ameyî kerdene. Çalakîyan de tecrîdê Îmrali ame şermezarkerdene û semedê paştdayîşê tepişteyan ame vengdayene.
Çalakîya grevê vêşanîye ya ke ver tecrîdê serê Rayberê Şarê Kurdî Abdulah Ocalanî yena kerdene, dewam kena. Xelkêk bajaranê Kurdîstan û Tirkîya de çalakîyê wayîrvejîyayîşê xoverdayîşê zîndanan ameyî kerdene.
Mêrdîn, Riha, Şirnex, Anqara, Îzmîr û xeylêk bajaranê bînan de serkêşîya HDPyî de çalakîyê ke ameyî kerdene, endamê TJA, Federesyonê 78an, Parîya Hozan û Ameyoxê Çepî, Cehdkerdişê 78an ê Şorişgêran, ÎHD, ESP, Mayê Haştîye û merdimê tepişteyan tewrê ci bîyî.
Çalakîyan de bale ameye antene tecrîdê Îmrali û grevê vêşanîye yê tepişteyan ke 50 rojî xo dima verdayî ser û ame waştene ke wa tecrîd cade bêro wedaritene. Reyna semedê wayîrvejîyayîşê tepişteyan ame vengdayene ke wa her kes bibo vengê înan ke zîndanan ra cenazeyî mevejîyê. Çalakîyan de tecrîd sey sûcê merdîmîye ame namekerdene û ame vengdayene ke wa her kes qîrayîşê tepişteyan bieşnawo û çi hewce keno wa bikero. Qiseykerdişan de ame vatene ke waştişê tepişteyan waştişê şarî yo ke ganî helêke cuwa ver bêro caardene.