Rayberê Şarê Kurdî Abdullah Ocalan 22 serrrî yo binê tecrîdê giranî de yo. 27ê teşrîna peyêne ra nata bi desan zîndanan de vera tecrîdî û binpaykerdişê heqanê tepişteyan  grevê vêşanîye estê.

 Federasyonê Komeleyan ê Huqûqîyan û Paştdayîşî yê Keyeyanê Tepişteyan û Hukmwerdeyan ê  (MED TUHAD-FED) roja 100. ya xoverdayîşê  grevê vêşanîye de eşkerayîye daye.

Îdarekarê MED TUHAD-FEDî Ahmet Oguzî bale ante serê zextanê vera zîndanî ser û vat: Xora zîndanan de tim bipaykerdişê heqanê estbî la pê prosesê pandemî zêdîyaye. Reyna tepişteyê ke grevê vêşanîye de heqê înan zafêr yenê binpaykerdene. Îdareyê rejîmî pandemî açerna firsendêk û zîndan de tecrîd kerd xorî. Tecrîd caardişêko bêhuqûq o, tecrîd sûcê merdimîye yo û ganî cade bêro wedaritene.

îdareyê zîndanî goreyê huqûqî nê goreyê keyfê xo têgêreno. Pê cezaya dîsîplînî tehlîyekerdiş tepişteyan yeno astengkerdene. Tepişteyî heqê weşîye ra merum yenê verdayene. Binê nameyê asayîşî de tepişteyî yenê surgunkerdene ke keyeyanê înan ra bêrê dûrîfînayene. Merdimî tepişteyan zî yenê cezakerdene. Cigêrayîşî rûtî dewam kenê.  Kurdkî yena astenkerdene.  Açarnayîşê mektubanê kurdkî zaf vay o. Reyna heme heqê esasî yê merdiman ê tepişteyan yenê bipaykerdene.

Ganî tecrîdo ke şexsê birêz Abdullah Ocalanî de Îmrali de dest pêkerd û çend şino vila beno cade bêro wedaritene û waştişê fermî û huqûqî yê  tepişteyanê ke grevê vêşanîye de cade bêrê qebulkerdene. Ganî sere de heyetê halê hole heme caardişê  ke huqûqî û edîl nîyê û wîjdanê komelî dejnenê cade bêre wedaritene.  Ganî heme binpaykerişê heqanê ê zîndanan bêrê qedînayene û înan ke nê sûcî kerdî bêrê cezakerdene. Pê yew qanûnê înfazî yo edîl û seycîye wa waştişê komelî bêro caardene.''