Tepişteyanê dewaya PKK û PAJKî 27ê teşrîna peyêne ya 2020î de vera tecrîdkerdişê Rayberê Şarê Kurdî Abdullah Ocalanî yo ke 22 serrî yo Îmrali de binê tecrîdê giranî de yo û binpaykerdişê heqanê xo grevê vêşanîye yo biagêrayîş û bêdor dabi destpêkerdene. Denîz Kayayî  bi nameyê tepitşeyanê PKK û PAJKî da zanayene ke înan grevê vêşanîye qedênayo.

Eşkerayîye de ca dîya nînan:

''Ma sey tepişteyanê PKK û PAJKî waşt ke bi hewayêkê zixmî tewrê hemleya azadîye bibê. Ma waşt pê çalakîya xo vera tecrîd û qirkerdişan vengê şarê ma û dezgehanê demokratîkan bêro berzkerdene. Ma vînenê ke no waştişê ameyo ca. Merhelaya newî ya Hemleya ''Dem Demê Azadîye yo'' de berpirsîyarîya pîle kewena şar û dezgehanê demokratîkan.Gerîlayan nê prosesî de zî pê xoverdayîşê destankîyî û serkêşîya fedaîye berpirsîyarîyê xo ardî ca. Ma sey tepişteyanê PKK û PAJKî semedê azadîya Rayberîye, şar û welatê xo bedeldayîş rê tim amede yê. Peynîya rejîmê AKP-MHPYî ameyo. Ma bi ruhê xoverdayîşê Zîndanê Amedî yo ke faşîzmê 12ê Êlule bin fîna, do têkoşîn bikerê û ser bikewê. Ma vengdayîşê Komîteya Zîndanan a PKK û PAJKî esas genê  û ewro ra tepîya grevê vêşanîye qedênenê.  Ma semedê paştdayîşê Hemleya Dem Demê Azadîye yo ewo ra tepîya do çalakîyanê cîyayan bikerê. Ma do sey heme hemrayanê ke zîndnan de xover danê xeta Rayber Apoyî de têkoşînî pîlêr bikerê.''