Grevê vêşanîye yo bidor yo ke vera tecrîrdê serê Rayberê Şarê Kurdî Abdullah Ocalanî zîndananê Tirkîya û Krudîstanî de dîya destpêkerdene, roja 6. de dewam keno.

Tepişteyê ke  Bloka Cyî yê Zîndanê bi Asayîşê Berzî yê Hûmara 2yî yê Amedî de yê eşkerayîye daye. Xoverdayoxanê zîndanî serrgêra ronayîşê PKKyî pîroz kerd û nê pare kerdî: ''Rayber Apo sere de şarê kurdî û rayberê heme şaranê mazlûman û xoverdayoxan o.  Tecrîdê serê Rayber Apoyî vera heme şaran yeno kerdene. Wezîfeyê her kesê wayîrê vîjdan û ehleqî yo ke vera nê tecrîdî vejîyo. Ma veng danê şarê kurd û tirkî û heme şarê ke Kurdîstan de yê, vera tecrîdî vengê xo berz bikerê û polîtîkayanê şerî rê vajê nê. Têna Birêz Abdullah Ocalan nê, erjê demokrasî û azadîye yenê tecrîdkerdene. Her wextî ra zafêr nika wextê ci yo ke vera tecrîdî veng bêro berzkerdene. Sere de keye û şarê ma, ma veng danê rayrapêroyîye; ma xoverdayîşê xo yê şarî yê demokratîk û meşrûyî xurt bikerê, peynîya polîtîkaya qirker a faşîste bîyarê.''

Çalakîya ke tepişteyanê PKK û PAJKî çarçeweya ''Abdullah Ocalanî rê azadîye û meseleya kurdan rê çareserîya sîyasîye'' de 27ê teşrîna peyêne de dîyaye destpêkerdene  do heta 15ê sibata 2024î dewam bikero.