Vervatoxê Komîsyonê Yewîya Ewropa (YE) Peter Stanoyî derheqê tedayanê vera HDPyî de eşkerayîyêke daye.

Stanoyî vat: ''Yewîya Ewropa bi şeklêkê cidîyî pê tedayanê vera HDPyî û tepişteyanê sîyasîyanê ke wezîfeyê xo ra ameyî girewtene û dest nîya wekilîya înan ser qerqilîyena. Semedo ke Tirkîya bira MHME ya derheqê Selahattîn Demîrtaşî de nêarde ca û bi seyan sîyasetmedaranê HDPyî pê terorîzmî sûcdar keno rewşe bena giranêr. Ganî her sûc û xeletî pê prosesê huqûqî bêrê ercnayene û karîneya masumîyetî bêra pawitene. Ganî Tirkîyaya ke endama Konseya Ewropa û namzeta YE ya heqanê merdiman û serdestîya huqûqî rê hûrmet bikera.''