Dayîreyê Çapemenîye yê Sekreterîya Pêroyî yê Yewîya Ereban pê eşkerayîyêka nuştekîye  vera hêrişanê serê Herêmanê Pawitişî yê Medya, Şingal û Mexmûrî nêrazîbîyayîşê xo mojna.

Sekreterê Pêroyî yê Yewîya Ereban Ahmed Ebû Gaytî pare kerd ke Tirkîya pê bahaneya teqîbkerdişê PKKyî vera Başûrê Kurdîstanî operasyonê leşkerî kena û no operasyon şermezar kerd. Eşkerayîye de ame îfadekerdene ke Tirkîya nê hêrişan Bexdadî ra bêxeber kena û bi nê hawayî Anqara 'huqûqê mîyanneteweyî û têkilîyanê xo yê welatanê ereban reyde bêqîmet kena.'

Eşkerayîye de wina ame vatene: ''Tirkîya Sûrîye, Lîbya, Iraq û welatanê ereban rê mudaxeleyê leşkerî kena û no zî welatanê ereban qerqilneno.''

Fermandarîya Operasyonan ê Hemparan a Iraqî zî hêrişê dewleta tirke şermezar kerdî.