Dima ke dewleta tirke serra 2015î de sînorê xo akerdî û bi se hezaran multecîyan verê xo da Ewropa, Yewîya Ewropa neçare mende ke adara 2016î de rejîmê Erdoganî reyde peymana multecîtîye îmza bikera.

Goreyê peymana ke rayberîya Almanya de ameye îmzakerdene, nêzdîyê 3 mîlyon multecîyê Sûrîye, Iraq û Afganîstanî do Tirkîya de bimanê û herinda ney de zî Yewîya Ewropa do 6 mîlyar Euro bida rejîmê Erdoganî.

Çarçewa peymane de heta nika nêzdîyê 3.2 mîlyar euro pere resa destê rejîmê Erdoganî. Komîsyonê Yewîya Ewropa paketêka bîne ser o bira hetkarîye daye. Çimeyanê Brukselî pare kerd ke seba hewcedarîyanê sûrîyeyîjan ê Tirkîya Brukselî paketa hetkarîye ya 485 mîlyon euro tesdîq kerde. Erdogan multecîyan keno bahane ke Yewîya Ewropa ra pereyan bigêro.