Yewîya Ewropa rîyê janê Korona ra krîzêkê ekonomîkî yê pîlî ra derbaz bîyêne. Seba ke krîzî ra bêro xelisîyayene wextêkê dergîr nata nîqaşî û planî ameyêne kerdene. roja îneyî ra nata seba ke Yewîya Ewropa krîzê ekonomîkî ra bixelisa muzakereyî ameyêne kerdene. Ewro serê sibayî  Serekê Konseya Yewîya Ewropa Charles Michelî da zanayene ke planêkê xelisnayîşî ser o ame pêkerdene.

Destpêk de fonê bi qasê 750 mîlyar euro amebi vurnayene. Dima muzakereyan de ame pêkerdene ke kamyew welat ci ra îstîfade keno wa bikero subvansîyonê deynan ê hemparan ê welatan do bibo qasê 390 nîlyar dolar. Kredîya ke welatî ci ra do îstîfade bikerê 250 mîlyaran ra bîye 360 mîlyar euro.

Nîqaşanê seba xelisîyayî qasê mengêke dewam kerd. Bankaya Merkezî ya Ewropa (BCE) waştêne ke bernameyê rotişê deynan bivisno dewre. Na çarçewe de heta serre 2021î trîlyonêk û 350 mîlyar dolarî paştdayîşo madî do bêro dayene.

Serekkomarê Fransa Macron û Serekwezîra Belçîka Sophie Wilmes seba pêkerdişî kêfweşîya xo arde ziwan.