Yewîya Ewropa ra hîşyarîya Lîbya
Temsîlkaro Berz ê Polîtîkaya Teberî ya Yewîya Ewropa Josep Borrellî hîşyar kerd ke rîyê mudaxaleyê Tirkîya yê vera Lîbya ‘beno ke her helê şîdet bizêdîyo‘ û semedê çareserîya sîyasîye veng da.
Serkarê dîplomasî yê Yewîya Ewropa (YE) Borrellî vat: ‘‘Qewimîyayîşê peyênî yê Lîbya ramojnenê ke dormeyê Trablusî de beno ke her helê şîdet bizêdîyo.‘‘
Eşkerayîye de ame vatene ke ganî semedê çareserîya sîyasîye yê krîzê Lîbya lezabeze bêro xebityayene û ame vengdayene ke heme hetî binê serbanê Neteweyê Yewbîyayeyî (NY) de bêrê têhet û semedê çareserîya sîyasîye bibê yew.
Yeno pawitene ke Konseya Asayîşî ya NYyî no dişeme bi waştişê Rûsya derheqê Lîbya de bêro pêser.
