Zîndananê Tirkîya û Vakurê Kurdîstanî de tepişteyê dewaya PKK û PAJKî 27ê teşrîna peyêne ya 2021î ra nata vera tecrîdê Îmraliyî û binpaykerdişanê heqanê merdiman grevê vêşanîye de yê.

Hemvervatoxa Komîsyonê Zîndanan ê Îstanbulî yê Komeleya Huqûqnasan a seba Azadîye (OHD) ya herêma Marmara Destîna Yildiz derheqê grevê vêşanîye de ANFyî rê qisey kerd.

Yildize da zanayene ke zîndananê Herêma Marmarayî de tepişteyî yenê îzolekerdene û vat: ''Tecrîd cara dewam keno û pandemî ra no tecrîd resayoo astêka cidîye.  Pêvînayîşî nêeşkenê pêvînayîşê rî bi rîyî bikerê. Rewşa zîndanan nêdîyena. Zîndanan de tepişteyî yenê tecrîdkerdene.''

Yildize bale ante grevê vêşanîye yê zîndanan ser û pare kerd ke tay dezgehê sey ÎHDyî na babete de xîret kenê ke mesuldarîya xo bîyarê ca labelê qîm nêkeno.

Yildize ard ziwan ke hukmat tepişteyan rê polîtîkaya bêkesayetkerdişî ferz kena û vat: ''Tepişteyî wexto ke bêalternatîf manenê muracarê grevê vêşanîye kenê. Tepişteyî heqanê xo yê bingeyînan wazenê.Peygoşîya teberî zî tesîrê ney kena. Tepişteyan rê rayîr nêmaneno. Warêko bîn çin o ke tepişteyî vengê xo berz bikerê. Teber zaf bêveng o.''

Yildize îfade kerd ke grevê vêşanîye ganî bibo rojdemo bingeyî û vat: ''Ma qala rûmetê merdiman, qala heqanê merdiman kenê. Waştişê tepişteyan noqtaya tewr girînge ya awankerdişê haştîya komelkî ya.''

Yildize wedaritişê Peymana Îstanbulî û dewaya qefilnayîşê HDPyî vistî vîrî û vat: ''Nê wird serebûtî zî bi xo tecrîd o. Vera naye ma sey OHDyî destê ma ra çita yeno kenê. Ganî nê prosesî de muxalefeto komelkî bêro kerdene.''