Yewina Qesasî ya Şehîd Devrîme Botan a YPS-JIN çarçewa 'Hamleya Qesasî ya vera kolonyalîst û ajanan' de Îzmîr, Mersîn û Çorum de tay çalakîyî kerdî.

Eşkerayîye de nê çîyî ameyî vatene:

''Endamanê yewina ma 14ê temmuze de Kadîfekaleya Îzmîrî de da qereqolê polîsan ro. Çalakîye de hûmara kişte û birîndaran nêameye tesbîtkerdene. Çalakîye ra dima dormeyê qereqolî ame girewtene û ambulansî seba birîndaran ameyî cayê serebûtî. Yewina ma bi selametî cayê serebûtî ra agêraye.

18ê temmuze de Erdemlîya Mersînî de vera kargehê terefgîrê AKP-MHPyî çalakîyêka sabotajî ameye kerdene. Kargeh ame îmhakerdene. Heman roje endamanê yewina ma vera otoparka Sîteyê Sanayî yê Çorumî çalakîyêke kerde. Çalakîye de bi desan wesayîtî ameyî vêşnayene.''

Yewina Qesasî ya Şehîd Devrîme Botan a YPS-JIN vat: ''Dewleta tirke ya tecawuzker û faşîste hêrişê xo yê vera cinî û domananê kurdan zêdînayî. Şirnex, Êlih û Agirî de cinîyan rê tecawuz yeno kerdene. Ma do pê çalakîyan hesabê nê kerdişan bipersê. Ma do bêveng nêmanê û xo bipawê. ''