YPSyî bîlançoya mengane ya çalakîyan eşkera kerde

YPS û YPS-JINî bîlançoya mengane ya çalakîyan eşkera kerde û vat: ''Ma do nêverdê ke cergê AKP-MHPyî Kurdîstan de bimanê.''

Koordînasyonê YPS û YPS-JINî bîlançoya çalakîyan a mabênê 5ê gulane û 7ê hezîrane pê eşkerayîyêke eşkera kerde.

Eşkerayîye de wina ame vatene: ''AKP û MHP ganî partîyêka sîyasîye nêrê dîyene. Nê rêxistinî yê ke peyê qirkerdişê kurdan de yê û estbîyayîşê xo qirkerdişê şarê kurdî ser o awan kerd.  Nê hêzî û dormeyê înan ya nê kerdişanê xo ra fek vera danê yan zî ma Kurdîstan înan ra pakî kenê. Ma do nêverdê ke cergê AKP-MHPyî Kurdîstan de bimanê.''

Eşkerayîye de venga şarê kurdî ame dayene ke êyê ke ajanî, hemkarî kenê wa înan rê selam nêro kerdene û vera nînan şarê kurdî têbigêro.

Derheqê çalakîyan de nê zanayîşî ameyî dayene:

''Mabênê 5ê gulane û 7ê hezîrane de 5 ajan û rotoxê narkotîkî ameyî cezakerdene, 15 kargehî ameyî îmhakerdene. Çalakîyan de nobetdarêk ame pirodayene, dest nîya çeka ci ser. Vera qereqolêk çalakîye ameye kerdene, erazîyê TÎGEMî û depoyêkê qeymeqamîye ameyî vêşnayene. Çalakîyan de keyeyêkê faşîstan, 13 wesayîtê polîs û ajanan ameyî vêşnayene.''