Koordînasyonê YRDyî derheqê şehadetê  Seyît Evranî de eşkerayîye daye û nê vatî:

''Embazê ma Seyît Evreno ke serkêşanê tradîsyonê Çapemenîya Azade  ra yo, netîceya krîzê qelbî ra 22ê êlula 2023yî de dinîyaya xo bedilnaye û mîyanê şehîdanê Çapemenîya Azade de cayê xo girewt.

Embazê ma Seyît Evran bi ruhê Hemleya 15ê Tebaxe tewrê Têkoşînê Azadîye yê Kurdîstanî beno  û têkoşînê xo yê ke serranê 1980yan de Unîversîteya Çukurova de rayra berdêne gamêke aver beno. Eynî wextî de xebatanê şerî û falîyatanê Çapemenîya Azade de zî rol geno xo ser. Rayraşîyayîşê ci yo ke bi Musa Anter, Gurbetelli Ersoz bi Ozgur Gundemî dest pêkeno bi tewrbîyayîşê têkoşînê azadîye yê Kurdîstanî bineyna aver beno. Amed de tewrê refanê Gerîlayanê Azadîye yê Kurdîstanî beno.

Embazêma Seyît Evran hetêkî ra sey gerîlayêkê serkewteyî yê erjîyayeyî wezîfe û berpirsîyarîya xo ano ca û hetê bînî ra Çapemenîya Azade ra dûrî nêkewno. Şarê xo roşn keno û beno veng  û kelema gerîlayan. Badê komployê mîyanneteweyî bi qerarê peyser ancîyayîşî verê xo dano Herêmanê Pawitişî yê Medya û tîya xebatanê xo yê çapemenîye xurtêr keno. Wextêk cuya pê nê xebatanê xo Rûsya de domneno. Dima ra reyna verê xo dano warê welatî û xebatanê çapemenîye yê koyî rayra beno. Tîya tecrubeyê xo yê çapemenîye embazanê xo ke pîya xebityenê reyde pare keno. Reyna Başûr û Rojawanê Kurdîstanî de falîyetanê çapemeyîye raya beno.

Hemrayê ma Seyîdt Evranî 35 serrî xo dayî Têkoşînê Azadîye yê Kurdîstanî û xebatanê Çapemenîya Azade. Xebetanê perwerdeyê akademîya Gurbetelli Ersoz û falîyatanê ajansî de rolê girdî kay kerdî. Bi seyan mekale, xeberê dosyayî  viraştî û dîmen û fotografî antî û têkoşînê Gerîlayanê Azadîye yê Kurdîstanî resna heme merdimîye. Bi programanê TVyî û xeberanê  ajansan vengê gerîlayan û da eşnawitene û mîyanê serkêşanê Çapemenîya Azade de ca girewt.

Sey Musa Anter, Cengiz Altun, Ferhat Tepe û Gurbetelli Ersozan do mîrasê Seyît Evranî hetê hemrayanê ci ra bêro wayîrvejîyayene. Ma do  wayîrê beyraqa ke Seyîd Evrenî tim têşanayêne, vejîye û têkoşînê ci bidê domnayene. Hemrayê ma Seyît Evran do tim sefanê verênan nê têkoşînî de cayê xo bîgêro û rayîr ramojno. Ma şexsê hemra Seyît Evranî de heme şehîdanê tradîsyonê Çapemenîya Azade bi rêzdarî û mînetî yad kenê û soz danê ke ma do têkoşînê înan bidomnê. Ma veng danê ciwananê Kurdîstanî ke wayîrê xeta çapemenîya azade bivejîyê, her warî de xetetanê xo xurtêr bikerê û têkoşînê azadîya fîzîkîye ya Rayber Apoyî bikirişê serkewtişî.''