Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' bi çalakî û aktîvîteyanê cîyayan dewam kenê.

Çarçewa hemle de Swîsre de Zanîngehê Cenevre de, roja şemeyî, saete 19.00 de panelê bi sernameyê 'Seba azadîya şarê kurdî ganî çi bêro kerdene' do bêro kerdene. Wekîla HDPyî ya verêne Ayşe Acar Başaran, temsîlkarê PCRyî Nadînayo ke Rojawan de maneno do tewrê panelî bibê.

Panel hetê Merkezê Komelê Demokratîkî yê Kurdan ê Cenevre (NCDK-C) û Yewîya Cinîyan ê Kurdan ê Swîsre (YJK-S) ra yeno amadekerdene. Partîya Şorişgêre ya Komunîste (PCR) û koma Serhildan zî paştî danê panelî.

Komîteya Amadekarîye derheqê panelî de nê agahîyî dayî:

''Ganî destkewteyê şorişê Kurdîstanî bipawîyê. Wexto ke Îsraîl qirkerdişî keno, Erdogan zî dewanê kurdan dano bombayan ver û Kurdîstanî îşxal keno. Lîderê Têgêrayîşê Azadîye yê Kurdan Abdullah Ocalan 25 serran ra nata Zîndanê Îmraliyî yê Tirkîya de tecrîdkerde yo. Vera nê kerdişan şarê kurdî têkoşînêk keno. No têkoşîn rayîr dano ke komel bingeyê neweyî de bêro awankerdene, çarenusê xo dîyar bikero.''