Endamê Meclîsê Partîye yê HDPyî Ozgur Zeydanogluyî ANFyî rê qisey kerd û bale ante Komployê Mîyanneteweyî û tecrîdê vera Rayberê Şarê Kurdî Abdullah Ocalanî ser.

Zeydanogluyî pare kerd ke Îmrali de tena huqûqê dişmenîye esto û vat: ''Tirkîya Îmrali de qet yew peymana ke îmza daya ci nêana ci. Huqûqê mîyanneteweyî zî vera rewşa Îmraliyî tewirê xo qet nêmojna. Komployî armanc kerd ke kurdan qir bikero. Coka kurdan vato 'nêzdîbîyayîşê bi Ocalanî nêzdîbîyayîşê bi kurdan o.' Rejîmê 'yew merdimî' pê tecrîdê Îmraliyî dest pêkerd. Coka mabênê demokratîkbîyayîşê kurdan û sîyaset de cagirewtişê Ocalanî de yew eleqe esto. Xora tecrîd 2015 ra nata vilayê pêro welatî bîyo. A raşte sîstemê Îmraliyî vera pêro Tirkîya yeno caardene.''

Zeydanogluyî ard ziwan ke rojanê peyênan de Erdogan zaf qala Ocalanî keno û no zî mojneno ke planê înan ê çinkerdişî pûç bîyo. Zeydanogluyî vat: ''Komel wazeno fikranê Ocalanî fekê Ocalanî ra bieşnawo. Coka ganî tecrîd wedarîyo û avûkatî cade Ocalanî bivînê. Ocalan noqtaya demokratîkbîyayîşê Tirkîya de aktorêko girîng o. Ganî Ocalan tewrê sîyasetî bibo, no seba ameyoxê welatî girîng o. Komel bi xo ney wazeno. Coka ganî heyetê avûkatan cade şoro Îmrali û pêvînayîşî bikerê.''