Zîndanê Bakirkoyî de selamkerdiş yeno cezakerdene
Zîndanan de binpaykerdişê heqan zêdîyenê. Zîndanê Bakirkoyî de selamkerdiş û verarşîyayîş zî sey sûcî ameyî qedexekerdene.
Zîndanê Bakirkoyî de seba ke selam kerd û verar şîyî yewbînan ra derheqê tay tepişteyan de tehqîqat dîya destpêkerdene.
Seba ke Aytene Anlaş, Dîleke Tataş, Elîfe Yaş, Esra Soyaktaş, Gamze Nîhal Iyîdogan, Guneşe Akan, Hatîce Duman, Hiyame Yolcu Akyol, Nurcane Demir, Serpîle Cabaan, Songule Dîlek, Zeynepe Yeter û Zûhale Surucu 28ê çeleyî de wextê zîyaretê keyeyan de selam da merdimanê xo û verar şîyê înan rê bi bahaneya Korona raştê tehqîqatî ameyî.
Tehqîqat de vateyê 'selamkerdiş û verarşîyayîşî' sey çalakîye ca girewt. Îdareyê zîndanî waşt ke nê tepişteyî mîyanê 3 rojan de pawitişê xo bikerê.
