Zîndanê Bolu de tepişte Mehmet Hanefî Bîlgîno  ame qetilkerdene. Îdareyê zîndanî keyeyê Bîlgînî rê telefon kerd û îdîa kerd ke Bîlgîn krîzê qelbî ra dinyaya xo bediilnaya. Cenazaya Bîlgînî seba karanê otopsî wedarîyaye Dezgehê Tipê Edlîyî yê Anqara.

Keyeyê Bîlgînî seba ke cenaza bigêro Çewlîgî ra ame Anqara. Wekîlê HDPyî yê Çewlîgî Erdal Aydemîr û avûkarê Komeleya Huqûqnasan ê Seba Azadîye (OHD) ya Anqara Kenan Maçoglu zî şîyî verê ATKyî 

Otopsîya Bîlgînî ATK de dewam kena. Dîya zanayene ke karanê otopsî ra dima cenaza do bierşawîya Çewlîg.

Bîlgîno ke qezaya Dara Hênî ya Çewlîgî ra yo 5 mengan ra dima do biameyêne veradayene. Dîya zanayene ke Bîlgîn qasê 29,5 serrî yo zîndan de yo û nê wextî de 3 reyî krîzê qelbî derbaz kerdo.