Zîndanê Qefilnayeyî yê Cinîyan ê Bakirkoyî de 28 tepişteyan  27ê kanûne de dest pê grevê vêşanîye yê seba hîrê rojan kerd.

Tepişteyan bi eşkerayîya nuştekîye da zanayene ke ê seba ke tepişteyê nêweşî nînê tedawîkerdene û tepişteyî bi cezayanê giranan hucreyan de têna yenê tepiştene û cuya înan erzîyena tehluke dest pê grevê vêşanîye kerdo. Eşkerayîye de nê ameyî vatene: ''Nêzdîbîyayîşê  îdareyê zîndanî faşîst o. Tay cigêrayîşî sey sereştişî yenê kerdene. Bîlasebeb têdima cezayê pêvînayîşî yenê dayene. Tehlîyeyê bi bi desan tepişteyan bîlasebeb yenê peyde eştene. 24ê kanûnê de sereştişo ke bibi de mudira yewine Aysune Guner ma tehdît kerdî. Eke tîya çîyêk bibo Aysune Guner, mudirê diyînî Olca Horasan û Candaş, amîrî Soner, Arif, ser gardîyanî û gardîyanî mesuldar ê. Ma hem înfazan hem zî tewirê îdareyî proresto kenê. Emnîyetê ganê tepişteyan çîn o. Semedê protestokerdişî ma 27ê kanûne ya 2021î de sey 28 tepiyanê cinîyan dest pê grevê vêşanîye yê hîrê rojan kerd.''