Zîndanê Kavakî yê Samsunî ra tepişte Halîl Muratogluyî 26ê adare de bi telefonî keyeyê xo de qisey kerd û qalê binpaykerdişanê heqan kerd. Muratogluyî da zanayene ke binpaykerdişî bi hawayêkê sîstematîkî yenê kerdene.

Waya Muratogluyî Ayşegule Muratoglu da zanayene ke birayê ci rê hîrê cezayê dîsîplînî dîyayê û vat: ''Nê cezayî bi temamî keyfî yê. Nê cezayî cezaya hucre, qedexeyê pêvînayîşî û qedexeyê şuxilnayîşê warê hemparî yê. Birayê mi do îtîrazê nînan bikerê. Ey vat ke ê do qetî vera zulm û teda sereyê xo nêarê war û xo ver bidê.''

Ayşegule venga rayaumûmîye da ke wa biba vengê tepişteyan.