Zîndanê Patnosî yê Agirî de waqayê vîrusê Korona zêdîyenê. Avûkatanê Komeleya Heqanê Merdiman (ÎHD) ya Wanî tepişteyan reyde pêvînayîş kerd.

ÎHDyî da zanayene ke heman koxûşî de 23 kesan ra 19 kesî pê Korona kewtî û koxûşêkê bînî de zî pêro tepişteyî pê Korona kewtî.

Tepişteyan da zanayene ke ê sewqê nêweşxaneyî nênê kerdene, nênê dermankerdene, rewşa înan bena xirabêr û cendirmeyî sereştişê koxûşan de qestî ra xo nêzdîyê tepişteyan kenê.

Tepişteyan ÎHDyî rê vat: ''Wexto ke rewşe giranêr bîye ma ameyî berdene bi nêweşxaneyî û eşkera bi ke ma pê vîrusî kewtê. La ma reyna erşawîyayî zîndanî, heman koxûşî. Nêweşê giranî zî nêerşawîyenê nêweşxane. Ma venga rayaumûmîye danê ka wa paştî bida ma.''