10 tepişteyanê Zîndanê Riha vera îşkence û binpaykerdişê heqanê xo 8ê tebaxe de grevê vêşanîye da destpêkerdene û da zanayene ke heta ke waştişê înan nêrê qebulkerdene ê do çalakîya xo rê dewam bikerê. Tepişteyan dîyar kerd ke sebebê çalakîya înan nêzdîbîyayîşê dozger û mudirê zîndanî û binpaykerdişê heqanê înan o.

Tepişteyan pare kerd ke teda vurîyaya îşkence û ê raştê nê binpaykerdişê heqan yenê:

''Ma sewqê nêweşxaneyî nênê kerdene 

-Bi hawayêkê keyfî înfazê ma 6 mengan ame dergkerdene.

-Roşanan de heqê telefonî nêdîyeno.

-Mektubî nêdîyenê.

-Odayî nêbê vurîyenê.

-Îdare dest nano klîma û perwaneyan ser ke ma hêrînabî.''

Nameyê tepişteyanê ke grevê vêşanîye de yê wina yê: “Îdrîs Dûrûk, Emîn Çetîndaş, Omer Aslan, Sûat Berlik, Selamî Çîftçî, Mazlûm Dogan Taniş, Şervan Muhammed, Emîn Korkmaz, Lokman Ayebe û Abdûlselam Demîr.”