Zîndanan de tepişteyê dewaya PKK û PAJKî seba azadîya Rayberê Şarê Kurdî Abdullah Ocalanî û seba çareserîya meseleya kurdan 1-1 rojan ra nata grevê vêşanîye kenê. Vera tepişteyanê ke grevê vêşanîye kenê teda û zulmî zêdîyayî. 

Halîl Muratogluyo ke Zîndanê Bi Asayîşê Berzî yê Samsunî de tepişte yo, dîyar kerd ke vera înan teda û îşkenceyî yenê kerdene.

Muratogluyî 5ê adare de bi telefonî keyeyê xo de qisey kerd û qalê binpaykerdişanê heqan kerd.

Muratogluyî da zanayene ke bi bahaneyan tepişteyî hucreyan de ameyê cakerdene û înan rê cigêrayîşo rût yeno ferzkerdene.

Muratogluyî pare kerd ke seba ke înan binpaykerdişê heqanê xo qebul nêkerdo îşkence dîyo û ê erzîyayê hucreyan. Muratogluyî vat ke rixmê nê kerdişan zî ê xoverdayîşê xo rê dewam kenê.

Halîl Muratogluyî veng da ke wa heyetêko xoser zîndanî zîyaret bikero û meseleyanê înan çareser bikero.