Hakan Încî çalakîya vera Edlîyeya Çaglayanî ya Îstanbulî ra dima bi sûcdarîya ''hetkarîya çalakîkeran'' amebi tepiştene û erşawîyabi Zîndanê Sîncanî.

Hakan Încîyî wexto ke vi telefonî kekê xo Ulaş Încîyo ke heman sûcî ra tepişte yo, de qisey kerdêne raştê hêrişê fîzîkî û fekkîyî yê gardîyanan ame.

Dadîya Încîyî Kadere Încî ajansê ma rê qisey kerd û da zanayene ke asayîşê ganê lajê ci çin o. Kadere vat: ''Lajê mi Hakan Sîncan de û Ulaş zî Kirikkale de tepişîyenê. 5ê hezîrane de wexto ke înan bi telfonî qisey kerdêne gardîyanan hêrişê Hakanî kerdo. Hakan bi îşkenceyî hetê telefonî ra heta koxûşî ameyo berdene. Rixmo ke ma raporê darbe girewt tehqîqat nêame akerdene.''

Kadere dîyar kerd ke lajê ci hîrê reyî rontgen anto, çimê ci hol nêvînenê û peyê ci dejeno. Kadere vat: ''Lajê mi vat ke 'Ê ancî peyê mi de yê.' La dima telefon birîya.''

Kadere ard ziwan ke eke çîyêk bêro sereyê lajê ci mesuldarî îdare û gardîyanê zîndanî yê.