Rixmo ke programêko plankerde çîn o, vizêr heyetêko  Serekê Hukmatê Herêma Kurdîstanî  Neçîrvan Barzanî, Fevzî Heriri, Kerim Şingali, Sefin Dizai û  Felah Mustafa tede ca genê Anqara zîyaret kerd. Seba ke heyetî nişka Wezîrê Karanê Teberî yê Tirkîya Mevlut Çavuşoglu û dima ra zî Serekkomerê Tirkî Receb Tayyyîp Erdogan  reyde pêvînayîş kerd Iraq û Başorê Kurdîstanî de bi sebebê nêrazîbîyayîşan.

Her çiqas heta nika hetê partîyanê sey  Goran, YNK, Komaley Îslamî, Yekgurtîyê Îslamî û partîyanê bînan ra derheqê babete eşkerayîyêka fermî nêro dayene zî partlamenteran bi rayîrê medyaya sosyale nêrazîbîyayîş ramojna. Sere de seba ke Goran û YNK heyet de canêgirewt û no yeno rexnekerdene. Yeno texmînkerdene ke pêvînayîşan de hêrişê vera PKKyî pêkerdişê derheqê na babetê ke mabênê înan de esto ame qiseykerdene.

Hetê bînî ra heyet heme PDKyî temsîl nêkena. Barzanî kesê ke ci ra nizdîyê vijnayî. Yeno pawitene ke Mesud Barzanî û lajê ci Mesrur Barzanî yê ke qismê bînî yê PDKyî yê rojanê verê ma de bi baheneyêke bînî  şirê Tirkîya. Goreyê pîsporanê sîyasetî Erdogan têmîyankewtişê mîyanê keyeyê Barzanî şuxulneno ke tira feyde bikero.

Parlamentoyê Iraqî ra zî nêrazîbîyayîşî ameyî. Tay parlamenteranê şîîan vat Neçîrvan Barzanî şîyo ke derheqê pêvînayîşê Serekkomarê Fransa Emmanuel Macronî zanayîş bido ke no goreyê qanûnê Iraqî sûc o. Parlamenterê kurdê ke parlamentoyê Iraqî de înan zî vat zîyareto ke proseso ke hêrişê îşxalî yê dewleta tirke bêmabên yenê domanyene û sîvîlî yenê qetilkerdene de ame kerdene ê do bikerê rojdemê parlamentoyî.

Parlamenteran ra Hoşyar Ebdulahî ke eşkerayîyêka nuştekîye daye û vat: ''Dewleta tirke her roje hêrişê hewayî kena û sîvîlan mirênena. Bi nê zîyaretî nê sûcî yenê nimitene.  Her rojê bombardûmanan de merdimê ma mirênê. La bi nê zîyaretî senî ke çîyêk nêbîyo yeno têgêrayene. No vera înanê ke bedel dayo bêhurmetîye ya.'' Parlamenteran ra Serkewt Şemseddînî zî nêrazîbîyayîş ramojna û vat o do înan rê biberso ke no zîyaret bi qey ameyo kerdene.