Endama Koordînasyonê Kongreya Starî Zozane Bekîr derheqê qetilkerdişê rojnamegeran Gulîstane Tara û Hêroye Behdînan de ajansê ma rê qisey kerd.

Zozane Bekîr ard ziwan ke tarîxî ra heta ewroyî tim îqtîdaran cinîyî kerdê hedef û waşt ke îradeyê cinîyan çin bikerê. Zozane vat: ''Nika zî cinîyî bi taybetî cinîyê ciwanê ke xo rê felsefeya Rayber Apoyî kenê armanc yenê hedefkerdene. Dewleta tirke zî DAÎŞ zî wayîrê heman armancî yê; qirkerdişê cinîyan. Nê bi taybetî cinîyê serkêşî kenê hedef. La xoverdayîş û têkoşînê cinîyan do peynîya sîstemê îqtîdarî bîyarê. Cinîyî bi fikr û feksefeya Rayber Apoyî do ser bikewê.

Tirkîya, Îran, Afganîstan, Hindîstan û pêro dinya de cinîyê serkêşî bi felsefeya Jin, Jiyan, Azadî xo ver danê. Serewedaritişê cinîyan ê Hindîstanî bi şîarê Jin, Jiyan, Azadî xeylêk veng vet. Ma do na seserre bikerê seserra cinîyan. Ma do heta azadkerdişê Rayber Apoyî têkoşînî ra fek vera nêdê.''