Bado ke PKKyî eşkera kerd ke kongreya xo kerda, DEM Partî eşkerayîya nuştekîye daye.

Eşkerayîye de wina ame vatene: ''Rayîrê haştîya bianore û çareserîya demokratîke de pelêko newe ame akerdene. Seba ke na gama tarîxî biaçarîyo haştîya mendî gerek ma pêro pîya zemînê ci hazir bikerê. Bi qerarê kongreya tarîxîye ya PKKyî ma haştîye rê bineyna nizdî benê.

Ma sey DEM parî vanê ke na gama tarîxîye ra dima semedê çareserkerdişê meseleya kurdan û demokratîkbîyayîşê Tirkîya gerek sere de meclîs heme dezgehê sîyasetê demokratîkî berpirsîyarîye bigêrê xo ser. Ewro hem hêvîya ma zaf a hem zî  ma giranîya berpirsîyarîya tarîxî kirişenê.  No qedîyayîş nê, destpêkerdişo newe yo.

Ma tîya reyna emazê xo Sirri Sureyya Onderî yad kenê ke emrê xo semedê haştîye wayûbiratîya şaran da. Ma do miheqeq roşnê haştîye û wayûbiratîye bîyarê na herre.''