Qeraxanê Kerkennahî yê Tunusî de keştîya multecîyan cum bîye. Yeno vatene ke multecîyî zafêr cinî û domanan ra ameyêne meyda. Goreyê selahîyetdarê şaristanê Safekesî Murad Turkîyî da zanayene ke ê heta nika resayî 12 kesan.

Sêşeme zî cenazaya 22 kesan amebî dîyene. Bi temamî 34 multecîyî merdî ke înan ra 23ê ci cinî û 2 tenî zî doman bîyî. Yeno vatene ke keştîye de 53 kesî estbî û înan ra zafêrî welatanê Afrîkaya Sahra ra bîyî.