Goreyê raporê Keyeyê Çimdarîye yê Heqanê Merdiman ê Sûrîye (SOHR) komê çekdarî yê hukmatê Şamî bi hawayêkê sîstematîkî û bi îdîaya ‘’erazîyî ê ma yê’’ keyeyanê sivîlan xesp kenê. 

SOHRî pare kerd ke semtê Eş El-Vervarî de tewr tay 50 keyeyî wina ameyî xespkerdene.

Ame parekerdene ke herêma Barzehî de zî şaredar hemkarîya çeteyanê çekdaran keno. Roniştoxê Şamî yenê tehdîtkerdene û înan rê yeno ferzkerdene ke keyeyanê xo bi erjanî biroşê û biteriknê.

Nê serebûtê Şamî serebûtanê şîdetî û alozîya mabênê mezheban reyde zêdîyayî. Bi taybetî herêmanê Humus, Hama û qeraxan de remnayîş û cînayetî zêdîyayî.