Bajarê Qamişloyî yê Rojawanî de Konferansê Yewîya Kurdan dest pêkerd. Konferansê Yewîya Kurdan  û Tewirê Hemparî yê Rojawanî ke Parka Azadîye de yeno kerdene Rojawan, Vakur û Başûrê Kurdîstanî  û herêmanê cîya cîyayan ê Sûrîye ra 400yî ra zafêr nameyî tewr ci bîyî.

Komîteya hazirîye vat partîyê sîyasîyî, rêxistinê cinîyan û ciwanan, nuştox, roşnvîr, alîmê dînî, hunerend û rîsipîyê Rojawanî û Şam, Heleb, Hama, Bab û Ezazî ra şexsîyetê kurdî tewrê ci bîyî.

Reyna Vakurkê Kurdîstanî ra heyetê DEM Partî, DBP, HDKyî û temsîlkarê partîyanê sîyasîyan ê Başûrê Kurdîstanî tewrê konferansî bîyî.

Yeno pawitene ke konferans de mesajê ke teberê welatî ra ameyî ê zî bêrê wendene. Konfrans bi saeta herêne 10:00 de bi qiseykerdişê akerdişî û vîjnayîşê dîwanî dest pêkerd.