Serekwekîla Grûba DEM Partî Gulîstane Kiliç Koçyîqîta ke heyeto ke Wezîrê Edaletî Yilmaz Tunçî reyde pêvînayîş kerd, tede cirewt, ANFyî rê qisey kerd.

Qiseykerdişê Gulîstane Kiliç Koçyîqît ra qismêk wina yo: ''Ma nê pêvînayîş de meseleyê huqûqî, problemê zîndanan û tecrîdê serê Birêz Abdullah Ocalanî girewtî dest. Gerek no pêvînayîş sey merhaleya bîne nêro hesibnayene û tira çîyo gird nêro pawitene.

Pêvînayîş de ma waşt semedê pêardişê zemînê huqûqî wa berpirsîyarîye bigîrê xo ser. Seke yeno zanayene nê prosesî de hukmat zaf pasîf mend. Coka ma waşt wa cade gamanê pêtan bierzo. Semedê nê zî xora sey gama verêne gerek şertê Birêz Ocalanî bêrê bedilnayene. Ma waşt pîya bi Heyetê Îmraliyî roşnvîr, nuştox û rojnameger û hetanê cîya cîyayan ê komelî ra zî wa pêvînayîşî bêrê kerdene. Nika aktoro ke prosesî rayra beno Birêz Ocalan o. Coka gerek şertê ey bêrê bedilnayene. Waştişê ma yê heqê hêvî zaf zelal o. Waştişê ma yê azadîya fîzîkîye ya Birêz Ocalanî zaf eşkera û zelal o.''