Xeylê bajaranê Rojawnaî û Helep de serrgêra 46. ya ronayîşê PKKyî ameye pîrozkerdene.

Meclîsê Keyeyanê Şehîdan û Partîya Yewîya Demokratîke (PYD) taxa Şêxmeqsûdî ya Helebî de aktîvîteyêke organîze kerd. Taxanê Şêxmeqsûd û Eşrefiyê ra partîyê sîyasîyî, temsîlkar û endamê dezgehanê komelê sîvîlî, komîn, meclîs û hêzanê leşkerîyan û rayberê eşîran û şeyxî tewrê aktîvîte bîyî.

Qiseykerdişan têkoşîno tarîxî yê gerîlayan ame selamkerdene û ame vatene ke no têkoşîn qederê pêro Rojhelatê Mîyanênî bedilneno. Qiseykerdoxan vat ê do heta azadîye rêça gerîlayan û Rayber Apoyî de şirê.

Reyna Dêrik, Girê Legê, Amûdê û xeylê bajaranê bînan ê Rojawanî de bi aktîvîteyanê cîya cîyayan serrgêra ronayîşê PKKyî ame pîrozkerdene û xoverdayîşê Rayber Apoyî û gerîlayan ame selamkerdene.