Keyeyê tepişteya sîyasîye Mizgîne Kayitbey da zanayene ke Zîndanê Patnosî de 30 gardîyanan kênaya înan kuwaye. Keyeyî ÎHDyî rê muracat kerd û hetkarîya huqûqîye waşte.

Îşkenceyê Patnosî verî zî bibî rojdem. Mizgîne Kayitbey roja roniştişê mehkeme de bi hawayêkê fekkî û fîzîkîyî maruzê îşkenceyê 30 gardîyanan mende. Netîceya hêrişî de Mizgîne wedarîyaye nêweşxane.

La hema ke tedawîya Mizgîne nêqedîyaye reyna erşawîyaye zîndanî. Mizgîne Kayitbey telefon de keyeyê xo rê vat ke pêvînayîşê ci yê bi dozgerî ame astengkerdene, bedenê ci de cayê şikiteyî, birîn, morî estê.

Keyeyî muracatê ÎHDyî kerd. Waştişê keyeyî ser o Şubeyê Wanî yê ÎHDyî mîyanê hewteyî de do şoro Zîndanê Patnosî û Mizgîne Kayitbey reyde pêvînayîşêk bikero.