6 cinîyê ke bi hîkayeyanê dayîkanê ke wayîrê dejanê girdan ê bîyî pîl û bi eşqê welatî zerrîya xo xurt kenê … înan zerrîya xo de welatêko azad vîrar kerdbi.  No welatê tije û adirî bi. Înan eşqê xo welatê adirî û tije de dî bi.  Şahîdîya tarîxî çîyo ke rehet nîyo.  Şerwananê YPJyî bi tewir û xoverdayîşê xo tarîxêko newe ganî kerd.  Înan bi cuya xo destanê tarîxîyî nuştî mojna heme dinya. Agirî, Arîne, Eylûle, Şîlane, Rohenda û Dîlovane semedê şarê xo bîyî vengê heqîqeta bêpeynîye. Seba ke dinya hayîdar bikerê na raştîye bimojnê ci û seba azadîye xo feda kerd.

Kurdîstan de cinî û camêrdê ciwanî bi kede û cesaretê xo xoverdayîşêko bêhempa înşa kerd. Agirî, Arîne, Eylûle, Şîlane, Rohenda û Dîlovane zî bi ewnîyayîşê xo yê rindî na raştîye girewtê objektîfanê xo. Ê cinîyî hem şerwan, hem hemra, hem rojnamegerî û hem zî ruhê xo bi alfebeyê azadîye mîraz kerdbi. Înan zanayêne ke domanê ameyoxî bi hîkayeyanê înan benê pîl. Nê welat de raya verîna ke vengê şorişî wina berz bi. Ciwanê nê welatî semedê azadîya domananê sibayî xo feda kenê.

Agirî

Cinîya rinde Agirî ya ke Reqa de ameye dinya eşqdarê azadîye ya. Hela ke vayê şorişê welatê tije de hêdî hêdî vejîyeno verê xo dana sefanê xoverdayîşî. Bajarê xoverdayîşî Kobanê de tim çimanê xo açarnenê heqîqetî. Agirî xoverdayîşê tewr girdî yê kurdan bi dîmen û fotografanê xo  ramojnena dinya û 14ê nîsana  2015î de bena xoverdayoxêka cinîye.

Arîne

Arîn Cûdî ya ke her tim bi ewnîyayîşê şoriş resneno serkewtişî ewnîyayêne badê tecrubeyê şer û perwerdeyî çapemenî de ca gena. Yew destê ci kamera destê ci yo bînî de çeke cephe ra cephe vazdayî û xoverdayîşê embazanê xo rê şahîdîye  kerde 31ê çeleyê 2016î de bîye destanêke.

Eylûle

Ronahî (Eylûl) Dêrika Hemko yê pabesteyê Cizîrî de çimanê xo dinya rê akena. Waştişê û qirarîyîşê Eylûle yê azadîye Koyê Kurmanc xemilneno. Bi pênusê xo xoverdayîşê embazanê xo nusena. Rindîye bi xoverdayîşî vejîyena werte. Eylûle zî na rindîye vetêne werte. 20ê teşrîna verêna 2016î tewrê bena teqîpkarê Agîrî û Arînan.

Şîlane

Şîlane hema  wisarê emrê xo de fikrê xo bi felsefeyê welatperwerîye û pawitişê welatî resnaybî. Şîlana ciwane û rinde sey Agirî, Arîn û Eylûle kewte heqîqete dima û 25ê nîsana 2017î de bi kesîtîya xo ya ke peyê heqîqete de bî bîye unîversale.

Rohenda

Rohanda ke  xoverdayîşê dewrî  yê Efrînî de ca girewt semedê qesas girewtişê waya xo Denîze û hemerayanê xo bi ruhê fedayîtîye xo ver da. Rohenda Koyê Kurmancî de kişta babîyê xo de xoverdayîşê qehremankî ramojna û bi kamerayê xo no xoverdayîş da ramotene. Rohenda 10ê adara 2018î de verê babîyê xo de bîye sembolê ruhê fedayî û teqîpkarê rayîrê heqîqetî.

Dîlovane

Dîlovana Geverije gama ke DAÎŞî hêrişê Kobanê kerd vazdaye Kobanê. Dîlovane bi kamerayê xo Kobanê ra heta Minbic, Dêrazorî ra heta Girê Sipî seba ke rîyê komplokaran vejo werte û qehremanîya şerwananê xoverdayîşê azadîye bido eşnawetene bêters xebityaye. Dîlovane 13ê teşrîna verêna 2019î de tewrê kerwanê şehîdan bîye.