Cezaya zîndanî ya 10 serran û 6 mengan dîyaye Hemsereka HDPyî ya Amedî Hulya Alokmen û vizêr Alokmene ameye destbendkerdene. 9 rêxistinanê cinîyan pê eşkerayîyêke destbendkerdiş û cezaya zîndanî ya vera Hemsereka HDPyî ya Amedî Hulya Alokmen şermezar kerdî

Meclîsê Cinîyan ê HDPyî, Kongreya Komelê Demokratîkî (KCD), DBP, Xelisîyayîşê Cinîyan, Endamanê Paltformê Paştdayîşî yê Sosyalîstî, Meclîsanê Cinîyan ê Sosyalîstan û Cinîyanê Keskan da zanayene ke îqtîdarî  pê na bira ceza reyna dişmenîya xo ya vera cinîyan  mojnaye.

Cinîyan ard ziwan ke Alokmene vera teda û zorbazîya dewlete tim têkoşîn kerd û seba azadîya cinîyan xîret kerd coka bîye hedefê îqtîdarî.

Cinîyan vat: ''Nê hêrişî vera cinîyan û destkewteyanê cinîyan, xeta azadîya cinîyan a HDPyî, vera hemserekîye yê. Nê hêrişî bîlaheq ê! Ma do heq û destkewteyanê xo ra fek vera nêdê, hemserekîye û temsilîya têdûşte her ca de bipawê. Meydan û warî ê ma yê. Şima nêeşkenê ne Hulya Alokmen ne zî ma cinîyan pê destbendkerdiş û tepiştişî bitersnê.''