Şaristanê Frankfurtî yê Almanya de seba çalakîyanê cinîyanê Şîlîyî yê ke bi cumleya ''Sucdar ez nîya ti yî'' bîyî namdar çalakîya paştdayîşî ameye kerdene. Rayraşîyayîşî verê Frankfurt HBFyî de dest pêkerd û Alte Oper de qedîya.Bi seyan cinîyî tewrê çalakîyî bîyî û înan vera tacîz, tecawuz û qirkerdişê serê cinîyan pankartî kiriştî û sloganî vatî. Meydan de çalakîye bi dansan dewam kerd û cinîyan pêro pîya bi almankî û îspanyolkî vat: ''Dewlete, polîtîkayî, îdareyî û hukmî sucdar ê'', "Ma ça de benê wa bibê, çi xo ra kenê wa bikê êyê ke sucdar ê ma ney sîstemê bandura camêrdan ê."

Çalakîya ke cinîyanê kurdan zî paştî daye ci bi mesajan û dansan qedîyaye.