Tirkîya û Vakurê Kurdîstanî de şîdet û qirkerdişê cinîyan dewam keno. Anqara, Aydin û Meletî de çar cinîyî hetê camêrdan ra ameyî qetilkerdene.

Qezaya Battalgazî ya Meletî de Îrfan Taşkino ke derheqê ci de bira dûrvistişî esta Nursele Taşkina de tede zewijîyaye bîye pê çeka tûje birîndar kerde. Nursele nêweşxane de rixmê pêro xîretan zî dinyaya xo bedilnaye.

Anqara de Omer D. Melteme L.ya ke verî tede zewijîyayebi verî pê çeke birîndar kerde dima zî pê çeka tûje qetil kerde. Îfadeyê kênaya Melteme ra dima kiştox Omer D. ame destbendkerdene.

Qezaya Kuyucakî ya Aydinî de camêrdê bi nameyê Huseyîn Şenturkî Hûrîyeya ke tede zewijîyaye bi û kênaya xo Sevda Şenturk pê çeke kiştî. Kiştox Huseyîn Şenturk dima zereyê wesayîtê xo de sey merde dîya. Dîya zanayene ke Huseyîn Şenturkî xo kişto.