Derheqê Kampanyaya 'Semedê Muhakemerdişê Dîktatorî 100 Sebebî' yê TJK-E de Cenevre de panelêk û kombîyayîşêkê çapemenîye do bêrê kerdene. Panel çarçewa roniştişanê NYyî de do bêro kerdene.
Derheqê Kampanyaya 'Semedê Muhakemerdişê Dîktatorî 100 Sebebî' yê TJK-E de Cenevre de panelêk û kombîyayîşêkê çapemenîye do bêrê kerdene. Kampanya semedo ke Erdogan sûcanê xo yê vera kurdan û merdimîye ra bêro muhakemekerdene dîyabi destpêkerdene. Panel û kombîyayîş hetê TJK-E û rêxistina sivîle MAATî ra yenê serûberkerdene.
Panel çarçewa 48. roniştişanê heqanê merdiman ê Neteweyan ê Yewbîyayeyan (NY) de mabênê 13ê êlule û 8ê teşrîna verêne de do bêro kerdene.
Eşkerayîya serê panelî de ame vatene ke çarçewa Kampanyaya '100 Sebeban' de 235 hezar îmzayî arê dîyayî. Semedê armancanê kampanya eşkerayîye de wina ame vatene:
''Armancê bingeyî yê kampanya nê yê ke wa dîktator bêro muhakemekerdene, feminicid sey qirkeridişî bişinasîyo, qirkerdişê cinîyanê Efrînî, qirkerdişê Sara, Rojbîne û Ronahî sey babeta bingeyî bêrê ercnayene.''
Panel de sûcê şerî û pakîya etnîke yê dewleta tirke hetê Endama Koordînasyonê Kongreya Starî Asya Ebdullah ra bêrê ercnayene. Derheqê Kampanyaya '100 Sebeban' de Vervatoxa TJK-E Melîke Yaşar do qisey bikera. Panel de cinîyê ke xo destê dewleta tirke ra xelisnayê zî do sey şahîdan qisey bikerê.
