Cinîyan ê Rojhelatê Mîyanênî û Afrîkaya Vakurî paytextê Lubnanî Beyrud de bi kombîyayîşê çapemenîye 'Înîsîyatîfê Abdullah Ocalanî' îlan kerd.

Eşkerayîya înîsîyatîfî hetê endame Sebahe Şieb ra ameye wendene.  Eşkerayîye de ame vîrvistene ke Rayberê Şarê Kurdî Abdullah Ocalanî 23 serran ra nata esîr yeno kerdene û tecrîdê vera ci tesîrê pêro dinya keno.

Cinîyan da zanayene ke înan bi paştdayîşê cinîyanê Libnan, Filistîn, Iraq, Lîbya, Yemen, Sûriye, Misir û Sûdanî no înîsîyatîf nayo ro. Înîsîyatîfî pare kerd ke armancê înan daşinasnayîşê fikran û caardişê Ocalanî yo û venga dewleta tirke da ke qanûnanê mîyanneteweyîyan bîyara ca û Rayberê Şarê Kurdî tecrîd nêkera.

Eşkerayîye de wina ame vatene: ''Ma paştî danê pêro komel, rêxistinanê cinîyan û kesayetanê ke seba azadîye xîret kenê. Ma venga Mehkemeya Heqanê Merdiman a Ewropa û CPTyî danê ke wa dewa biercnê û îşkenceyê tecrîdî eşkera bikerê.''