Înîsîyatîfê Mayanê Haştîye yê Îstanbulî parka Saraçhane ya Fatîhî de waşt bi şîarê 'Vera tecrid û şerî ma haştîye û azadîye wazenê' eşkerayîye bidê çapemenîye. La polîsan mayî parke ra vetî û xîret kerd ke eşkerayîye asteng bikerê.

Mayanê Haştîye naye ser o sloganê 'Cinîye, cuye azadîye' vat û nêrazîbîyayîşê xo mojna. Wekîla HDPyî Dilşate Canbaza ke çalakîye de bîye ard ziwan ke astengîya polîsan dûştê qanûnan a.

Înîsîyatîfê Mayanê Haştîye heta bînaya xo şi û sloganê sey 'Biciwîyo xoverdayîşê zîndanan' û 'tepişteyê sîyasî rûmetê ma yê' vatî. Dima mayan verê bînaya komeleya xo de eşkerayîye daye.

Perîhane Akbulut eşkerayîye wende û vat: ''Zîndanî vurîyayî mergî. Ma nêwazenê çew bimiro. Her roje zîndanî ra cenazayî vejîyenê. Wa hînî zîndanî ra cenazayî mevejîyê. Dımanê ma azadîya rayberê xo wazenê.''

Çalakîye pê sloganan qedîyaye.