Hemsereka Komeleyanê Demokratîkan ê Elewîyan (DAD) Saîme Topçu, Îdarekara Merkezê Pêroyî Nergîze Guzel û Hemserekê DADÎ yê Îzmîrî Nebahate Çelîk derheqê 25ê Teşrîna Peyêne Roja Têkoşînê Vera Şîdetê Serê Cinîyan de ANFyî rê qisey kerd.

Hemsereka DADî Saîme Topçu îfade kerd ke sebebê şîdetê vera cinîyan polîtîkayê îqtîdarî yê û vat: ''Îqtîdarî û bawerîyê semawîyî zemînê qirkerdişê cinîyan kenê meşrû. Şîdetê vera cinîyan çimeyê tewirê îqtîdaran û polîtîkayanê înan ra yeno famkerdene.''

Îdarekara DADî Nergîze Guzel vat: ''Ganî cinîyî vera şîdetî heqê xo yê xopawitişî bişuxilê. Ganî ma pê hêzê xo vera Dehaqan xo ver bidê. Xo rê xerîbbîyayîşê cinîyan yeno manaya xo ra dûrbîyayîşê cinîyan.''

Hemsereka DADÎ ya Îzmîrî Nebahate Çelîk vat: ''Ma sey cinîyan do heqanê xo ra fek vera nêdê. Ma do pêro meydanan de têkoşînî geş bikerê û pîya cuya têdûşte awan bikerê.''