Seba ke babîyê Jîna Emînî de roportaj kerdo Nazîla Maroofîan hîrê reyî amebî tepiştene. Nazîla seba ke vera ferzkerdişê seregirewtişî vejîyaye reya çarine ameye tepiştene.

Goreyê xebera ke Iran Wire agahîyanê cîranan ser o kerda, rojnamegere Nazîla Maroofîan pê şîdetî hetê polîsanê Îranî ameya destbendkerdene.

Sebebê tepiştişî û aqîbetê Nazîla nêzanîyenê.

Nazîla her ke zîndanî ra vejîyaye bê laçike, bi hawayêkê sereakerdeyî fotografê xo pare kerd û vera ferzkerdişê seregirewtişî vejîyaye 

Goreyê texmînan Nazîla seba ke vera destbendkerdişê hunermend Mehdî Yerahîyî vejîyaya û fotografo sereakerde pare kerdo ameya destbendkerdene.