Goreyê agahîyanê ke ameyê girewtene dewleta Îranî pawitoxa heqanê cinîyan û rojnamegera kurde Pexşane Ezîzî rê cezaya îdamî daya.

Roniştişê dewa yê vera Pexşane vizêr ame kerdene. Heyetê mehkeme bi îdîaya 'vera hukmatê Îslamî serewedaritiş û endamîya komanê çekdaran' cezaya îdamî daye aye. 

Pexşane 4ê tebaxa 2023yî de Tehran de amebî destbendkerdene û 11ê kanûne de zî erşawîyabî Zîndanê Evîne. Pexşane îşkenceyê giranî reyde pêro heqanê xo ra bêpar ameye verdayene. 

Pexşane verê cû zî seba ke tewra çalakîyanê protestoyî yê wendekaranê kurdan bibî 2009 de tepişîyabî û çar mengan ra dima bi kefaletî vera dîyabî. 

Pexşane wexto ke Zîndanê Evîne de tepişîyayêne bi mektubêke qalê îşkenceyan kerdbî û venga rayaumûmîye dabi ke têkoşînî pîlêr bikera.