Bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan a Mîyanneteweyîye Meydanê Kadikoyî yê Îstanbulî de cinîyê ke ameyî têhet sîstemê camêrdê serdestî qîrayî û vat ê do wayîrê destkewteyanê xo vejîyê.

Cinîyê ke nuqtayanê cîya cîyayan ra ver bi Îskeleyê Kadikoyî rayra şîyî bi pankart û sloganan bale ante hêrişê vera cinîyan ser. Cinîyê HDPyîjê ke polîsan bi bahaneyê janî verê înan girewt, peyser game nêeşte û bi qerardarîye resayî warê çalakîye.  Cinîyan pêro pîya yew fekî ra qîrayî û  sloganê  ''Cinî cuye azadîye'', ''Camêrd dano piro, dewlete pawena''',  ''Ma şewan zî kuçeyan zî canêverdenê'' û ''Wa biciwîyo paştdayîşê cinîyan'' eştî. Cinîyan bi tîlîlî û sloganan pê telefonanê xo tarî kerd roşt. Dima derheqê hêrişê  vera cinîyan û xoverdayîşê înan de eşkerayîye ameye wendene. Cinîyan vat ê do heta serkewtişî têkoşînî rê dewam bikerê.